পঢ়োঁতে শৰীৰৰ ভংগিমা (Posture):
পঢ়োঁতে আমি সদায় লক্ষ্য ৰাখিব লাগিব—মগজুলৈ তেজৰ চলাচল বাধাগ্ৰস্ত হ’ব নালাগে। বিজ্ঞানীসকলে পোৱা অনুসন্ধান অনুসৰি, মানুহৰ শৰীৰৰ যিকোনো অংগতকৈ মগজুৰ প্ৰয়োজনীয় তেজৰ পৰিমাণ ৩০ গুণ বেছি। যেতিয়া আমি ব্যায়াম কৰোঁ বা অধিক পৰিশ্ৰম কৰোঁ, তেতিয়া এই প্ৰয়োজন আৰু বাঢ়ে।
সেয়ে, পঢ়োঁতে যদি আমি অস্বাভাৱিক ভংগিমাত বহোঁ, যাৰ ফলত মগজুলৈ ৰক্তৰ প্ৰবাহ বাধা পায়, তেন্তে সেইটো আমাৰ বাবে ক্ষতিকাৰক। যদি আমি কঁকাল ভাঙি বা মূৰ আগলৈ বেঁকা কৰি, কঁকাল-ডিঙি ভাঙি বহোঁ, তেন্তে মগজুলৈ ৰক্ত সঠিকভাৱে প্ৰবাহিত নহয়।
একেদৰে, যদি ডিঙি আগলৈ বেঁকা কৰি (য’ত থুতনি প্ৰায় বুকুৰে স্পৰ্শ কৰে) বা পিছুৱাই থুতনি আগলৈ ঠেলি ধৰি বহোঁ, তেন্তেও মগজুলৈ ৰক্তৰ মুক্ত প্ৰবাহ বাধাগ্ৰস্ত হয়।
এনেকৈ পঢ়িব নালাগে
এই ধৰণৰ ভংগিমাবোৰত ৰক্তৰ প্ৰবাহ কমি যায়, ফলত মগজুৱে নিজৰ সম্পূৰ্ণ ক্ষমতাৰে কাম কৰিব নোৱাৰে। মনোনিবেশ কৰাটো কঠিন হৈ পৰে আৰু আমি সোনকালে ক্লান্ত অনুভৱ কৰোঁ।
এনেকৈ পঢ়িব লাগে
যেতিয়া তুমি টেবুলত পঢ়াৰ সলনি বিচনা বা ছোফাত পঢ়া, তেতিয়া ভুল ভংগিমাত বহি পঢ়াৰ সম্ভাৱনা বেছি থাকে। এইবোৰে মগজুলৈ ৰক্তৰ প্ৰবাহ বাধাগ্ৰস্ত কৰে। সেয়ে, বিচনা, ছোফা আদি ঠাইতকৈ টেবুলত বহি পঢ়াটো বেছি উপযুক্ত।
সেয়ে, পুৰণি সময়ৰ এই কথাটো—‘ডিঙি চিধা কৰি, মেৰুদণ্ড চিধা কৰি চকীত বহি টেবুলত পঢ়া’—বৈজ্ঞানিকভাৱে একেবাৰে সঠিক। তোমাৰো উচিত এই উপদেশটো অনুসৰণ কৰাৰ চেষ্টা কৰা।
page 3 – পঢ়াৰ ঠাইত বিশুদ্ধ বায়ুৰ গুৰুত্ব
এই কথাখিনিক কিমান ষ্টাৰ ৰেটিং দিব?